مكاريوس
المشرف العام
عدد المساهمات : 6
تاريخ التسجيل : 06/11/2012
الموقع : كلمه الرب من السماء الي القلب
 |  موضوع: ذكرى شهيد المسيح  الإثنين نوفمبر 26, 2012 7:39 pm | |
|
أنا اسمي مكاريوس
قبطي صعيدي
حتى شوف الصليب
اهه على ايدى
غلبان
زيك تعبان
ماشى في حالي
جنب الحيطان
جوا الحيطان
ولا جاش في بالى
أنى هاموت غرقان
غرقان في دمى
طب والست امى
من هيبعت القرشين
دا أنا من زمان شقيان
ومت قبل ما كمل العشرين
أنا اسمي مكاريوس جاد
عايش فى الدنيا بالكاد
اتعملت من صغرى الصبر
والاجتهاد
لا اعرف مين سارقها
ولا مين حارسها
ولا على فين رايحة البلاد
كنت باحلم ببيت
وعزوة وولاد
وخدت نصيبي
مترين تراب ورماد
أنا اسمي مكاريوس جاد شاكر
لو سألتني ليه اتقتلت
هاقولك مش فاكر
لا أنا حرامي
ولا نصاب
ولا عاوز من البلد
غير الستر
وأربع حيطان وباب
انا اسمى مكاريوس
او كان
قبل ما اموت برصاص جبان
كنت فاكر الباشا بيهزر
معقولة هيضرب نار؟
هو آنا بنى ادم ولا فار؟
أنا مصري يا باشا
بس عيونه كان فيها شرار
أنا مصري
ليه تدارى عارك بكسرى
يا باشا فين العدل؟
وليه انا واخد الظلم حصري
انزل من ع الكنيسة يا واد
ياباشا مش وقت الجهاد
ولا عمرى هاخاف
دا أنا متربى ع العيش الحاف
وفجاة جه الرصاص
دانا بصلى يا ناس
طب يا باشا كنت تستنى
لبعد القداس
يااااااه
متألم صحيح
بس شريك فى جراحك يا مسيح
كنت فرحان وأنا بابني بيتك
دلوقت بس شفتك
ورأيتك
اقبلني يا ربى فى ملكوتك
وأنت قادر تحمى ولآدك
وتحمى بيتك
أنا كان اسمي مكاريوس
قبطي صعيدي
مصري صعيدي
ودمى اهه على ايدى
ذكرى شهيد العمرانية | |
|
MarGirgis
المدير العام
عدد المساهمات : 133
تاريخ التسجيل : 09/10/2012
العمر : 32
الموقع : كلمه الرب من السماء الي القلب
| |
