ديانتك أيه......؟

[center]ديانتك أيه......؟

ليه بتسألني ديانتك أيه
حاجه هتفيدك! .. ولو هتفيدك قولي عليها
مسلم ؟ مسيحي ؟....ما أنا ساكن فيها
ليه عاوز تزرع فتنة......ليه دايمآ كاره بكرة
ليه دايمآ باسم الدين.....بتهد محبة بقالها سنين
علي فكرة أحنا فاهمين.......الوطن للجميع ولله وحدةالدين
شوف أحمد...شوف مينا ؟ هما الاتنين ...وجدودهم برضه
ماتو في سيناء
أنت يا حاقد جتنا منين.......جاي تفرق بين ملايين
قرآن وأنجيل .........بيقولو يارب..والآخرة ليها قاضي
اسمه رب عظيم
كان العيد لما بيجي....كانت القعدة الحلوه في بيتي
حرمتني ليه
وبحقدك مات صاحبي ......مات علي أيدي
أنت يا حاقد تعرف أيه عن الايمان ؟
أنت نسيت أن فيه ديان ؟ ... فاحص قلبك وقاري أفكارك
اللي السم فيها بيبان.....وبرضه محال
تفرق بين الاحباب دي عشرة بقالها زمان
وهتتعلمها أجيال وأجيال
وأنا وجاري برضه أحباب
كل غيمه تعدي علينا.......بتذود وتزرع في محبة وسطينا
وأنت يا حاقد سيبنا وروح.....دي مصر فداها الروح
صليب وهلال....هتشوفة ....في كل ميدان
صلي لربك ينطف قلبك.....ويدخل فيه حبة أيمان
ليه تسألني ديانتك أيه ؟
ديني لربي وهو وحده عالم بيه
+++